2018 жылы қолданыстағы тіркелген тарифтердің орнына Қазақстан Республикасы аукциондық сауда-саттық арқылы ЖЭК жобаларын іріктеу тетігіне көшті. Осыған байланысты «ЖЭК бойынша РФО» ЖШС аукциондық сауда-саттық жеңімпаздарымен шарттар жасасу кезінде аукциондық бағаларды қолданатын болады.

Аукциондық баға-есеп айырысу-қаржы орталығының жаңартылатын энергия көздерін пайдалану объектісі өндіретін, аукциондық сауда-саттық қорытындылары бойынша айқындалған және тиісті шекті аукциондық баға деңгейінен аспайтын электр энергиясын сатып алу бағасы.